கணிதம் பரீட்சை – பாகம் – 11

1. 2 லீற்றர் கொள்ளளவுடைய பாத்திரத்தினை நீரால் நிரப்ப 200மில்லிலீற்றர் அளவுடைய பாத்திரத்தினால் எத்தனை தடவை நீர் ஊற்ற வேண்டும்

2. அப்பா 8 பழக்கன்றுகள், 2 தென்னங்கன்றுகள், 11 பூக்கன்றுகள், 2 மிளகாய்க்கன்றுகள், 2கத்தரிக்கன்றுகள் என்பவற்றினை வீட்டுத் தோட்டத்தில் நாட்டினார் எனின், அப்பா நாட்டிய மொத்தக்கன்றுகள் எத்தனை?

3. பழவாடி ஒன்றில் கொய்யாவைவிட இரு மடங்கு தோடம்பழமும், தோடம்பழம் போல் இரு மடங்கு மாம்பழமும் உண்டு. கொய்யாவின் எண்ணிக்கை 25 எனின், பழவாடியில் உள்ள மாம்பழங்கள் எத்தனை?

4. பாதையில் மின்கம்பங்களுக்கு இடையே 2 கொடிகள் வீதம் கட்ட முடிவு செய்தார்கள். பாதையில் 8 மின்கம்பங்கள் காணப்பட்டன எனின் அங்கு நடுவதற்கு தேவையான கொடிகள் எத்தனை ?

5. குமார், சரத் இருவரின் வயதின் கூட்டுத்தொகை 28 வருடங்கள் ஆகும். சரத் குமாரை விட 4 வருடங்கள் மூத்தவனாவான் எனின், குமாரின் வயது யாது?

6. பிரியாவின் பாடசாலையில் பொன்விழா கொண்டாடும் போது பிரியாவின் வயது 10 வருடங்கள் ஆகும். பாடசாலையின் நூற்றாண்டு விழா கொண்டாடும் போது பிரியாவின் வயது எத்தனை?

7. ஒலிம்பிக் விளையாட்டுப் போட்டி நடைபெறுவது 4 வருடங்களுக்கு ஒரு முறையாகும். 1996 ஆம் ஆண்டு நடைபெற்றது 26வது ஒலிம்பிக் போட்டியாகும். 15வது ஒலிம்பிக் போட்டி நடை பெற்ற ஆண்டு யாது?

8. 5 ஞாயிறு தினங்களைக் கொண்ட ஏப்ரல் மாதத்தில் அந்த ஞாயிறு தினங்களின் கூட்டுத்தொகையாக வரும் உயர்வு பெறுமானம் யாது?

9. மாலை 5மணியளவில் நான் நகரில் இருந்து வீடு வரும் போது எனது நிழல் என் முன்னால் வந்தது எனின், எத்திசை நோக்கி சென்று கொண்டு இருக்கிறேன்?

10. காலை 8 மணியளவில் நான் நகருக்கு செல்லும் போது எனது நிழல் என் முன்னால் சென்றது எனின், எத்திசை நோக்கி சென்று கொண்டு இருக்கிறேன்?

11. வெள்ளை துணி 2m உம் காற்சாட்டை துணி 1 1/2 m உம் எனக்கு கிடைத்தது எனின், எனக்கு கிடைத்த துணியின் மொத்த நீளம்

12. ஒரு பாக்கெட் கோழி தீன் ஒரு கோழிக்கு 6 நாட்களுக்கு போதுமானது ஆகும் எனின், 2 கோழிகளுக்கு அது எத்தனை நாட்களுக்கு போதுமானது ?

13. 1kg 500g சீனியைக் கொண்டு 50g அளவைக்கொண்ட எத்தனை பொதிகள் செய்யலாம் ?

14. தங்கை தனது 5வது பிறந்தநாளைக் கொண்டாடும் போது அப்பா தனது 35வது பிறந்தநாளைக் கொண்டாடினார். தங்கை தனது 35வது பிறந்தநாளைக் கொண்டாடும் போது அப்பா தனது எத்தனையாவது பிறந்தநாளைக் கொண்டாடுவர்?

15. 4m நாடாவில் 25cm நீளமுள்ள எத்தனை துண்டுகள் வெட்டலாம்

16. மு.ப 8மணிக்கு புறப்பட்ட புகையிரதம் பி.ப 3.15க்கு சென்றடைந்தது எனின், பயணத்துக்கு செலவான காலம் எவ்வளவு?

17. 500ml மண்ணெய்யின் விலை ரூ 48 எனின், 2 1/2 லீற்றரின் விலை யாது?

18. ஒரு பிள்ளைக்கு 10 இனிப்புக்கள் வீதம் 600 இனிப்புக்களை எத்தனை பிள்ளைகளுக்கு கொடுக்கலாம்

19. 270ml அளவுடைய சிறிய குளிர்பான போத்தல்கள் மூன்றின் மொத்த அளவு யாது?

20. தொழிற்சாலை ஒன்றில் 20 நிமிடங்களுக்கு ஒரு தடவை மணி ஒலி எழுப்பப்படும் அவ்வாறாயின் குறித்த ஒரு நாளில் மு.ப 10.30க்கு 4வது தடவையாக மணி ஒலி எழுப்பப்பட்டது எனின், மணியொலி 2வது முறை எழுப்பப்பட்ட நேரம் யாது?